ଆଜି ଭୁବନେଶ୍ୱର, ଶ୍ରୀ ସତ୍ୟସାଇ ମହିଳା ମହାବିଦ୍ୟାଳୟ ପକ୍ଷରୁ ଯୁବ ରେଡ଼କ୍ରସ, ଓଡ଼ିଶା ରାଜ୍ୟ ଶାଖା ଦ୍ୱାରା ପ୍ରାୟୋଜିତ ‘ହୃଦୟ-ଫୁସ୍ଫୁସୀୟ ପୁନର୍ଜୀବନ ପ୍ରଶିକ୍ଷଣ କାର୍ଯ୍ୟକ୍ରମ’ (ସି.ପି.ଆର୍)ଟି ସାଇ ସାମୁଦାୟିକ କେନ୍ଦ୍ର, ସାଇ ଜନନୀ, ଖାରବେଳନଗର, ୟୁନିଟ–୩ ଠାରେ ସଫଳ ଭାବରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷା ଡ. ଦେବଯାନୀ ସିଂ ସ୍ୱାଗତ ସମ୍ଭାଷଣ ଏବଂ ଅତିଥି ପରିଚୟ ପ୍ରଦାନ କରିଥିଲେ । ଶ୍ରୀ ସତ୍ୟସାଇ ସେବା ସଙ୍ଗଠନର ରାଜ୍ୟ ସଭାପତି ଡ. ସତ୍ୟସ୍ୱରୂପ ପଟ୍ଟନାୟକ ଉଦ୍ଘାଟନୀ ଭାଷଣରେ ସ୍ୱାସ୍ଥ୍ୟ ଏବଂ ବିଜ୍ଞାନର ଉପାଦେୟତା ସମ୍ପର୍କରେ ଅଲୋକପାତ କରିଥିଲେ । ଆଇ.ଏ.ଏସ୍ ଅଧିକାରୀ, ଆଇ.ଆର୍.ସି.ଏସ୍, ଓଏସ୍ବି, ତଥା କାର୍ଯ୍ୟକ୍ରମର ମୁଖ୍ୟଅତିଥି ଭାବରେ ଶ୍ରୀଯୁକ୍ତ ଗଣେଶଚନ୍ଦ୍ର ପାତ୍ର ଯୋଗଦେଇ କାର୍ଡ଼ ଓ ପଲ୍ମୋନାରୀ ରସୁସିଟେସନ ସମ୍ବନ୍ଧରେ ଅଲୋଚନା ସହ ପ୍ରଶିକ୍ଷଣର ମୁଖ୍ୟ ଉଦେ୍ଦଶ୍ୟକୁ ଅବଗତ କରାଇଥିଲେ । ଓଡ଼ିଶା ରାଜ୍ୟଶାଖାର ଯୁବ ରେଡ଼କ୍ରସ ଅଧିକାରୀ ଡ. ରମେଶଚନ୍ଦ୍ର ବେହେରା ପ୍ରେରଣାପ୍ରଦ ବକ୍ତବ୍ୟ ପ୍ରଦାନ କରିଥିଲେ । ଅନ୍ୟତମ ଅତିଥି, ଶ୍ରୀ ସତ୍ୟସାଇ ସେବା ସଙ୍ଗଠନର ଜିଲ୍ଲା ସଭାପତି ଶ୍ରୀଯୁକ୍ତ ପ୍ରତାପଚନ୍ଦ୍ର ପଣ୍ଡା ସି.ପି.ଆର୍ ପ୍ରଶିକ୍ଷଣରେ ଲୋକଙ୍କ ଜୀବନ ରକ୍ଷା ନିମନ୍ତେ ବିବିଧ ରଣନୀତି, ସାଧାରଣ ଆପାତକାଳୀନ ଜୀବନସୁରକ୍ଷା କୌଶଳ, ପୁନଃଜୀବନ ପ୍ରୟାସରେ ସଙ୍ଗଠନର ସମନ୍ୱୟ ଶୃଙ୍ଖଳା ଆଦି ବହୁବିଧ ଦିଗ ଉପରେ ଜାଗରଣ ତଥା ସଚେତନମୂଳକ ବାର୍ତା ପ୍ରଦାନ କରିଥିଲେ । ମହାବିଦ୍ୟାଳୟ ପରିଚାଳନା କମିଟିର ପୂର୍ବତନ ସଭାପତି ଶ୍ରୀଯୁକ୍ତ ସୁନୀଲ କୁମାର ରଥ ଧନ୍ୟବାଦ ଅର୍ପଣ କରିଥିବାବେଳେ ରାଜନୀତି ବିଭାଗର ବିଭାଗମୁଖ୍ୟ ତଥା ଯୁବ ରେଡ଼କ୍ରସ ପରାମର୍ଶଦାତା ଅଧ୍ୟାପିକା ଅପର୍ଣ୍ଣା ପାତ୍ର କାର୍ଯ୍ୟକ୍ରମଟିକୁ ପରିଚାଳନା କରିଥିଲେ । ସାଇ ଜନନୀ ପରିସରରେ ରକ୍ତଦାନ ସମ୍ପର୍କରେ ସଚେତନତା ଏବଂ ନୈତିକ ବାର୍ତା ପ୍ରଦାନ କରାଯାଇଥିଲା । ସି.ପି.ଆର୍ ପ୍ରଶିକ୍ଷଣ ଅଧିବେଶନରେ ଉଭୟ ଥିଓରି ଏବଂ ପ୍ରାଟିକାଲ ପ୍ରଶିକ୍ଷଣ ଛାତ୍ରୀମାନଙ୍କ ମଧ୍ୟରେ କରାଯାଇଥିଲା । ଏହି କାର୍ଯ୍ୟକ୍ରମରେ 14 ତି କଲେଜ ରୁ ଛାତ୍ରୀ ମାନେ ଯୋଗଦେଇ CPR ପ୍ରଶିକ୍ଷଣ ଗ୍ରହଣ କରିଥିଲେ।ଏହାକୁ ଓଡିଶା Red cross society sponser କରିଥିଲା ଏଵଂ ସତ୍ୟସାଇ ମହିଳା ମହାବିଦ୍ୟାଳୟ ଏହାକୁ ସାଇ ଜନନୀ ହଲ,ସତ୍ୟସାଇ ସେବା ସମିତି ରେ ଆୟୋଜିତ କରିଥିଲା.200 ରୁ ଅଧିକ ବ୍ୟକ୍ତି ଏହି କାର୍ଯ୍ୟ କ୍ରମ ରେ ଯୋଗଦାନ କରି ଉପକୃତ ହୋଇଥିଲେ।sri ଶୀତଳ ସ୍ଵରୂପ ତ୍ରିପାଠୀ ତାଙ୍କ ସଦସ୍ୟ ମାନଙ୍କ ସହ ପିଲାମାନଙ୍କୁ ଟ୍ରେନିଂ ଦେଇଥିଲେ। ଏଥିରେ କୃତି ପ୍ରତିଯୋଗୀଙ୍କୁ ପ୍ରମାଣପତ୍ର ବଂଟନ କରାଯାଇଥିଲା । କାର୍ଯ୍ୟକ୍ରମ ଶେଷରେ ମଙ୍ଗଳ ଆଳତୀ ପରେ ମଧ୍ୟାହ୍ନ ଭୋଜନର ବ୍ୟବସ୍ଥା ହୋଇଥିଲା । ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା, ଛାତ୍ରୀମାନଙ୍କର ସାମୂହିକ ଯୋଗଦାନ ଏବଂ ଅକୁଣ୍ଠିତ ସହଯୋଗରେ କାର୍ଯ୍ୟକ୍ରମଟି ସଫଳ ଭାବେ ଅନୁଷ୍ଠିତ ହୋଇଥିଲା ।
https://www.prameyaepaper.com/preview/271339/1451729/BHUBANESWAR/20250329/16